Vake-Tali-Folau 2018 -- All Rights Reserved
Malo `ae lava mai moe fanongo Letio mai mei he feitu`u `oku mou me`a mai ai kotoa `ihe tapa kehekehe `oe kolope pea faifai `o tau felongoaki `ihe paenga ni kae pehe ki he Letio `oe fakamafolalea `ihe ngaluope ni.
Koe fakahoha`asi koeni, tupu pe `ihe ake ha fakakaukau ki he kaha`u na ki ha toe tupulaki ange ai `ae ngaue ni.
`I he fakakaukau moe `amanaki `e `iate kimoutolu ia ha`amou tokoni mai. Na'e fai `ae faka`amu ki he fakamafolalea ni `ihe ngaahi ta`u lahi pea fai `ae feinga moe kukukuku `o lava koeni. `Oku fai `ae fiefia `ihe ola kuo lavaa, ka `oku kei tuku pe `ae faka`amu mei mu`a ke toe lelei ange ki ha tu`unga `oku toe fakapofesinale ange mo ma`u ai `etau ngaahi fiema`u fakatekinolosia he ngaluope.
Tupu mei he kehekehe `etau taimi koe`uhi koe ngaahi fonua `oku tau fakapaea mei ai, koe faka`amu ke toe `iai ha va`a `oe Letio VTF mei he fonua taki taha .. Tonga ,, Nu`u Sila ,, pea mo `Aositelelia .. ke nau fai fatongia mai mei ai `ihe taimi `oku fai ai ha malolo mei he va`a `oku fakalele atu mei `Amelika ni; pe ko ha'anau vahevahe taimi on-air ke tau fanongoa hotau kakai mei he `Otu Motu Anga`ofa.
`Oku mou `osi mea`i pe `oku malolo `ae kau ngaue ni `ihe 11pm `ihe po kotoa kae ta ta fasi atu pe `ae Letio koe`uhi koe kau fanongo letio mei he ngaahi fonua `oku nau `aho `ihe taimi po`uli `a `Amelika ni. Koe tupu`anga ia `oe fakakaukau ni ka he`ikai ke mau lava `o fakapa`anga hano toe kumi `o ha ngaahi me`a ngaue ke fai `aki `ae fatongia koia.
Koia `oku fai atu ai `ae fakatangi ni, hei`ilo na ake ha fietokoni ke li mai ke fai hano tatanaki ki he fokotu`u `o ha toe Studio ke tau kamata mei Tonga pea toki hoko ki he ongo fonua ko ee ke lava mai `ae ngaahi fakamatala sipoti fakaako mo fakavaha`afonua foki. `Ikai ngata ai kae pehe ki he ngaahi katoanga `oku fa`a fai mei Tonga ke `omai "live" `ihe ngalu`ea 'oe fakamafolalea kae pehe ki he TV foki.
Koeha pe ha`o `ofa, te mau lau koe koloa. Kae kehe, koe ngaahi faingamalie ia te tau ala ma`u ka a`u `ae ivi fakapa`anga ki he $100,000.
Ka ai ha`o fehu`i pe faka`eke`eke fekau`aki mo hono fakaikiiki, pea ke fetu`utaki telefoni mai pe ki he (650) 307-7551-or- (650) 889-0894 .. pe ko ha`o email mai ki he radiovtf@radiotongavtfusa.com .. pe ko ha`o fakafonu pe `ae foomu `ihe Contact .. pea ka ke fie donate pe koe, pea ke lomi pe he DONATION button `i `olunga `o `omai ai ho`o `ofa.
Tauange `oku hoko lelei atu kiate kimoutolu `ae fakatangi ni pea malo `aupito `ae tokangaekina mai `oe Radio Tonga VAKE-TALI-FOLAU Media USA.
Faka`apa`apa atu,,
S. Tualau Makahili
(650) 8890-0894